Nortzuk gara

Logikalinek, contact center eta bezeroen arreta-zerbitzuetan erreferente bihurtuta eta sektorean 20 urteko esperientzia izanik, egoitzari Aralar parke naturalean eusten dio, Txindoki enblematikoaren magalean. Handik 24 orduko contact center plataformak eskaintzen dizkie industria, ecommerce eta zerbitzuen sektoreetako enpresei, dituen 100 langile baino gehiagoren eguneroko lanari esker.

LOGIKALINE, ideia bat, amets bat, behar bat agian, pertsona ugarirena, emakumeak, gizonak, inguru ezberdin batean, non milaka eta milaka interakzio artatzen diren, hizkuntza ezberdinetan, egunero, deiak, mailak, whatsapp-ak, kultura anitzeko herritarren artekoak, natur parke batean kokatua dagoen baserri batean, inguruko enpresei zerbitzua eskainiz; bokazio batekin, batez ere zerbitzua eskaintzekoa, baina baita milaka urteko nekazal bizimodua errealitate digital bat bihurtzekoa ere, konektaturik, baina lasaitasun guztiarekin, inguru honetako bizilagunak garatzeko bokazioa, naturarekin harreman zuzenarekin, berau errespetatuz eta gozatuz, bertako bistekin, inguruko mendiak, elurtuak edo zirimiriak bustiak, pertsona horiek guztiak diren lekuetan inbertituz, eta zerbitzuren bat behar duen enpresetan, helburu amankomunak partekatuz, bidelagun izatea, zerbitzu gehiago eraikitzea, pixkanaka, baina etengabe, orekaz, errespetuz, taldelanean, kontziliazioa errespetatuz baina emaitzak lortzeko erronkarekin,...hitz batean, LOGIKALINE: Sasi guztien gainetik eta laino guztien azpitik".

Iñaki Gorostidi

Jarrera

Ardura, kompromezua, errespetua, parte hartzea, lanerako gogoa, jarrera txiki hauek guztiek norabide zuzenera bideratzen dute Logikalinen eguneroko jarduna. Horregatik, langileen jarrera egokia eskatu eta baloratzen da lankideen arteko harremana eta lanaldia bera ere atsegina izan dadin guztiontzako.

Gardentasuna

Sator lanak ez du gauza onik, begietara begira hobeto ulertzen baitira gauzak. Logikalinen ardurak postuaren arabera banatzen dira sarri, baina guztiok maila berean egiten dugu lan. Komunikazioa da lan harreman on baten oinarria, beraz, edozein ideia, zalantza, kexa edo proposamen adierazteko lasaitasuna eskaintzea da gure lehentasuna.

Balio-aniztasuna

Logikaline bere langileen garapen profesionala sustatzen saiatzen den enpresa dinamikoa da. Lan taldeko kide bakoitzaren perfilak ezagutu, aztertu eta baloratzen ditugu, norbere baliabide profesionalak aintzat hartuz. Horregatik, zinez estimatzen ditugu zerbitzuaren beharretara egokitzeko gai diren pertsonak.

Talde lana

Telefono dei bat izan daiteke lehen katebegia, egunon atsegin bat. Baina Abaltzisketako Contact Center-ean eskaintzen den arreta milaka keinu txikik osatzen dute; mimoz eta ahaleginez emandako puntada txikiak dira, elkarri josiz kalitatezko zerbitzu sendo baten euskarri izateko gai den sare bat osatzen dutena. Txiki askoren emaitza handia, horixe da talde lana.

Malgutasuna

24 orduko zerbitzua eskaintzeko giza baliabideak eta baliabide materialak ongi antolatu behar dira. Antolaketa horretan mila konbinazio egin daitezke, baina langile bakoitzaren prestutasuna eta egoera errespetatzen saiatzen gara. Malgutasunak bizi kalitatean eragin zuzena duela uste dugu, beraz erreztasunak eskaintzen saiatzen gara.