Urtero bezala, Logikalinek barne auditoria bat egin du uztaila eta abuztua bitartean, bere Call Center plataformen jarduera neurtzeko; bereziki, bezeroei hainbat hizkuntzatan telefonozko arreta zerbitzua ematen dieten taldeak ebaluatu ditu. Call Center plataformetakoek ez dute auditoria inolako mesfidantza edo errezelorekin hartzen, bai baitakite halako auditoria tresna ezin hobea dela, ematen duten zerbitzua zaintze aldera egindako ahaleginak eta hartutako neurriak ebaluatzeko; askorentzat aukera paregabea da, bakoitzaren lana era objektiboan erakusteko. Emaitza onak izan dira oso, plataformek espero zen maila eman dute. Baina, bada hori baino datu inportanteago bat: auditoria egiteko erabili den metodologiari esker, badakigu zein diren funtzionatzen duten estrategiak eta hobetu daitezkeen arloak. Auditoriari esker, samurragoa da Call Center plataformen artean esperientziak trukatzea, eta hori guztien mesederako izaten da. Besteen esperientzietatik ikasten ahalegintzen gara, eta horrek auditoria oso efizientea bihurtzen du. Ebaluatu ikasteko, ez epaitzeko; neurtu hobetzeko, ez kritikatzeko. Guretzat ikastea da zerbitzu hobe bat eskaintzeko bide bat eta norberaren ahaleginaren eta talde lanaren emaitzak aitortzeko tresna bat. Jakina, auditoria egiteko metodologia eta horren emaitzak gure bezeroei erakusten dizkiegu, horretarako bereziki antolatutako bileretan. Hala, Call Center zerbitzua ematerakoan, oso kontuan izaten dira bezeroen beharrak eta enpresaren filosofia.