Hitzek gure gogo-aldartea hobetzeko ahalmena dute; baina, hitzek bakarrik ez, hitzek adierazteko erabiltzen den tonuak ere bai. Inpaktua eragiteko, ordea,  aurrena entzun egin behar dugu. Horretan zerikusia daukate ‘social listening’ teknikak eta teknika horren bidez enpresak lor dezakeenak.

Jarraian, arrakasta-kasu baten berri emango dugu. Badakizu zeri esaten zaion happygram? Mezu positibozko kanpaina bati esaten zaio, hain zuzen ere Ipar Amerikako Estatu Batzuetako Hersheys txokolate-enpresak 2015ean egin zuen kanpainari.   

2015ean, enpresak erabaki zuen banan-banan erantzutea Manilako erabiltzaileek Twitter sarean jarritako tweet negatibo edo “triste” bakoitzari.

¿Zergatik funtzionatu zuen estrategia hark?

1. Ekimenaren kokalekua zehaztu zuen.

Hershey enpresak, hainbat herrialdetako merkatuetan egon arren, Manilakoa aukeratu zuen. Horri esker, ekimenaren benetako inpaktua zehaztasun handiz neurtu ahal izan zuen —gogora dezagun 2015a zela eta, harrezkeroztik, inpaktuen eragina neurtzeko askoz tresnak hobeak asmatu direla— eta, gainera, zehaztasun handiagoz inpaktatu ahal izan zuen jomugan jarri zuen ‘target’ edo xede taldean. 

2. Helburu bat eta Twitter sarea aukeratu zituen.

Enpresak helburu garbi bat zeukan: bere kontsumitzaileengana iristea, markaren sare sozialez haratago. Gainera, estrategia bere ‘branding’ edo markaren kudeaketarekin lerrokatu zuen, marka ikusgai zegoen eremuez haratago iristeko eta Twitter sareko erabiltzaileengan sekulako ‘engagement’a edo konpromiso-maila sortzeko. Enpresak, urte hartan, 400 milioi erabiltzaile aktibo inguru zituen, denbora errealean elkarrekin jarduten zutenak bakoitzak bere mugikorren bidez. 

3. Erantzunak pertsonalizatu egin zituen.

Erantzun pertsonalizatuak nahiago izaten ditugu, besteak beste ez delako hainbesterainokoa izaten gehiegizko informazio-kopurua izaten dugun irudipena eta, gainera,  erabiltzaileekiko ‘engagement’a edo konpromiso-maila erraztu egiten dutelako.

4. Emaitzak aztertu zituen.

Ekimenaz arduratu zen marketineko enpresak eskainitako datuen arabera, hiru emaitza hauek lortu ziren eginiko happygram kanpainen bidez:

 - 4.000 erantzun zuzen jaso ziren happygram pertsonalizatua jaso zuten erabiltzaileengandik.   

 - 8 milioi ‘social engagement’ edo markarekiko konpromiso lortu ziren hainbat modutan: likes, iruzkinak, shares eta happygram gehiago.

 - Hershey markaren share of voice delakoa %60 handitu zen.

Eta gainera, ‘online’ kontzeptua ‘offline’ kontzeptura hedatu zuen, bere txokolatinentzako ‘packaging’ berezi bat diseinatuz.