Logikaline, beste behin —bosgarren urtea da segidan—, bezeroaren arreta-zerbitzuko liderra izatea lortu du (Líderes en Atención al Cliente saria) fidelizazioaren eta banatzaile handien alorretan.
Berria Líderes izeneko galan eman zuten. Gala Madrilgo Pastranako dukeen eraikinean izan zen eta Iñaki Gorostidi eta Leire Zabaleta izan ziren bertan, Logikalineko gerentea eta proiektu eta teknologia zuzendaria, hurrenez hurren.
Michelin, AEGON edo Lidl dira lehian izaten diren marketako batzuk, nazioartean presentzia eta hedapena duten markak. Lehiaketak, 2013an martxan jarri zenetik, bisibilitate handiagoa lortu du.
Ez da kasualitatea, ezta txiripa bat ere. Gure helburua da.
Saria berriro irabazi izanak, contact center-ak hasieratik izan dituen balioak sendotu baino ez ditu egiten. “Ez da kasualitate bat, ezta txiripa bat ere, gure helburua bezeroei esperientziarik onena ematea delako”, azaldu du Amaia Cortés Kalitate Departamentuko kideak, Eroski Club-eko bazkideek ahalik eta arreta-zerbitzurik onena jasotzen dutela bermatzen duen arduradunetako bat. Eroski Club-eko plataforma Logikalineren aspaldiko plataforma bat da eta, gaur egun, Abaltzisketatik gestionatzen da %100, 70 pertsona baino gehiagoz osatutako lantalde baten eguneroko lanari esker.
Kontsumitzaile globalak eta berrikuntza teknologikoa
Kontsumitzaile globalak garbi dauka: “lehena izateak ez du axola, onena izatea da kontua”. Hala adierazi du kontsumoari buruz Salesforce-k inkesta egin dietenen %84ak. Salmentak kudeatzeko erabiltzen den software ospetsuak garbi utzi zituen gauzak COVID19ak eragindako pandemiaren ondoren kontsumitzaileek dituzten exijentzia maila berrien inguruko txostenean.
Hein batean kontsumitzaileen joerek bultzatuta, Logikalinek aldaketa teknologiko eta operativo hainbat egin zituen 2020an, prozesuak hobetzeko eta erabiltzaileak/bezeroak bere estrategia guztien erdigunean ipintzeko. Aldaketa haiei esker, profil berriak inplementatu dira bezeroearen esperientzian eta kalitate auditorietan adituak direnekin.