Gizarteek aurrera egiten duten ahala, zerbitzuen sektoreak gero eta garrantzitsuagoak bihurtzen dira jarduera ekonomikorako. Enpresa mota oro berehala ohartzen da zerbitzuei esker lortzen dela salmentak handitzea, enpresaren irudia indartzea, marka kokatzea, lehiakideengandik bereiztea, bezeroaren iritzia ezagutzea eta beste informazio gehigarri gehiago lortzea. Call Centre-ak sofistikatzen joan dira, interneti esker, gero eta gehiago dira abangoardiako erabiltzaileak. Teknologia horri esker, Call Centre birtualak eta aplikazioak sor daitezke; horien bidez, hautaketak egiten dira botoiak sakatzean (edo ahotsaren bidez), grabaketen bidez jasotako instrukzioen arabera. Call Centre-ak lan klase askotarako erabil daitezke eta, orain, Contact Centre deitzen zaie, bezeroekin, enpresaren beste sektore batzuekin eta hornitzaileekin bi norabideetan komunikatzeko zerbitzuak eskaintzen dituztelako, produktuen edo zerbitzuen kalitatea hobetzeko. Dena den, tratu pertsonala da Contact Centre batera deitzen dutenek gehien baloratzen dutena: "Ez dut makina batekin hitz egin nahi, pertsona batek entzutea nahi dut!" Pertsona horiek dira besteekiko aldea markatzen dutenak, beste edozein faktoreren gainetik. Beraz, nahiz eta kostuak murrizteko lehia gogorra izan eta Call Centre-ak deslokalizatzeko estrategiak egon arren, kontuan izan behar da bezeroaren eta telefonoa atenditzen duenaren arteko enpatia. Zenbait faktore, hala nola, bezeroari bere hizkuntzan atenditzea, bere mentalitatea konprenitzea, produktua edo zerbitzua ezagutzea eta gauzak soluzionatzeko gaitasuna balio gehigarriak dira, faktore ekonomikoei ematen zaien adinako inportantzia eman behar zaie horiei, Call Centre baten zerbitzuak kontratatzeko garaian. Izan ere, Call Centre-en eboluzioak gauza bat erakutsi dute: tratuaren kalitatea eta erantzun eta zerbitzu pertsonalak dira Call Centre batera deitzen dutenek gehien baloratzen dituzten faktoreak.