Bezeroen arreta-zerbitzua kanpoko enpresa baten esku uzterakoan, faktore asko hartu behar dira kontutan. Dena den, guztietan inportanteena azalduko dugu gaur: bezeroaren esperientzia.
Ahal diren kanal guztietatik entzunda eta erantzunda ere, ez dago ziurtatuta interakzioak modu “perfektuan” atendituak izango direnik. Gaur egun diferentzia markatzen duen faktorea da hain ezaguna den “entzute aktiboa” mantentzeko eta azken hariraino eramateko gaitasuna, betiere estrategia digitalak eskaintzen dituen aukera berriak baliatuz.
Nola eman dezakegu urrats bat gehiago entzute aktiboan?
Zenbait marka dagoeneko ari dira bide batzuk miatzen; esaterako, gamifikazioak eskaintzen dituen aukerak aztertzen ari dira, erabiltzaileak inplikarazteko eta haien memorian arrastoa uzteko. Baina, halakorik ezin da lortu aurrez markak edo enpresak dituen erosleen edo erosle izan litezkeenen inguruko azterlan on bat egina ez badago. Eta horretan, social listening izeneko teknikak asko balio du, bi arrazoirengatik:
- Markak bere izenaren kalterako gerta litekeen edozein gorabeheraren berri izan dezakegu, eta, horretarako, arakatze-lanak egunero egingo ditugu, halako kalteak detektatzeko; eta
- gure jarraitzaileen nahiz izan litezkeen bezeroen nahiei eta kezkei buruzko informazio asko eman diezaguke eta hori funtsezkoa da azken txanpara iristeko eta, hala, bezeroek nahiz bezero izan litezkeenek gugandik esperientzia gogoangarria jaso dezaten.
Aipatutako social listening teknika gure markentzat nola erabiltzen dugun jakin nahi baduzu, idatzi gure adituei: digital@logikaline.com.