Herri baten kulturaren aztarna bere hizkuntzan eta ohituretan agertzen da. Hori hizkuntzalariek badakite, eta baita branding eta marketin arloetan adituak direnek ere: jakin izan dute gure lexikoaz jabetzea eta, metonimia sugestionatu baten bidez, lortu dute zuzentzaile likidoak tippex bihurtzea eta autobusetan bidaiatu ordez alsa izeneko ibilgailuetan bidaiatzea.
Hizkuntza apurka-apurka transformatu da, kanpoko faktoreen eraginei esker; ohitura sozialetan ez ezik kontsumo-ohituretan ere beren arrastoa utzi dute faktore horiek eta, aldi berean, baita kontsumitzaileen ohituretan ere.
Milurteko berria hasi genuen, sare sozialak iritsi zitzaizkigun eta horrek guztiak goitik behera aldatu zuen bezeroentzako arreta-zerbitzua; belaunaldi oso batek bere usadioak eta ohiturak aldatu egin ditu eta askoz exijenteagoa da.
Sare sozialak, sortu zirenean, pentsatu zen klima-baldintza txarrak edo bizitza sozial eskasa zuten herrialdeetan hedatuko zirela batik bat; baina, guztiz kontrako ezaugarriak dituzten herrialdeetan ere erruz erabiltzen dira. Social media arloko azterketa berrienek diotenez, Mediterraneo aldeko herrialdeak, hala nola Italia eta Espainia sare sozialetan denbora gehien pasatzen duten hamar herrialdeen artean daude. Espainia, hain zuzen ere, zortzigarrena da zerrenda horretan; bost ordu ibiltzen dira, batez beste, interneti konektatuta espainiarrak.
Sareen erabiltzaileen zerrendan, 25-44 urte bitarteko erabiltzaileena da erosketak internet bidez egiten dituen talde handiena; datu interesgarria, benetan, ecommerce enpresentzat. Internet bidez komunikatzeko dauden aukerak kontuan izanda, erabat aldatu dira kontsumitzaileen ohiturak eta, noski, askoz exijenteagoak dira ondasunak edo zerbitzuak erostera markengana jotzen dutenean.
Facebook, Instagram edo Twitter-ek, besteak beste, oharkabean moldeatu dute belaunaldi oso bat. Sare sozialetan fede handirik ez dutenek Facebook-en jaitsiera baliatzen dute justifikazio gisa sare sozialak harremanetarako kanal moduan ez erabiltzeko, eta arrazoi bila ibiltzen dira hor egoteko. Horietan onena Z belaunaldia da. Z belaunaldia 1994-2010 urteetan jaiotakoek osatzen dute; jaiotzez dira digitalak, egunean ordu eta erdi ibiltzen dira Youtube-n eta Whastapp-en, eta kanal horien bidez nahi izaten dute arreta jasotzea eta dituzten intzidentziak konpontzea.
Paradigma honetan, modu bakarra dago komunikazioaren zirkulua koadratzeko: erabiltzaileekin entzute aktiboa aplikatzea eta erabiltzaileak dauden lekuan egotea. Markak dagoeneko ez dira erabiltzaileek eskura dituzten kanalen jabe; orain, haien bila atera egin behar izaten dute eta erabiltzaileek eskatutakoari erantzun haiek beren ekosistematik irtetera behartu gabe erantzun behar izaten diete. Arreta-zerbitzuko plataforma bateratuak izatea eta ospe digitalari jarraipen aktiboa egitea funtsezkoak dira erabiltzaileak fidelizatzeko, paradigma berri honetan.
Logikalinen hori guztia nola egiten dugun jakin nahi baduzu, jar zaitez harremanetan gure Estrategia Digitaleko Departamentuarekin telefono-zenbaki honetara deituta: 943 110 022.