Gaur amaitzen da Bartzelonan gehien itxaroten den teknologiaren inguruko ekitaldietako bat: Mobile World Congress 2021.
Pandemia zela-eta 2020an bertan behera utzi behar izan zuten ekitaldia eta, aurten, teknologia-biltzarrean inoiz baino startup nazional gehiago izan dira; besteak beste, Veridas. Veridas enpresa nafarra da, erreferentea dena aurpegia eta ahotsa ezagutzeko teknologien arloan. Eta ahotsa ezagutzeko teknologiek berebiziko garrantzia dute contact center zerbitzuetan, bezeroen esperientzia hobetzen laguntzen dutelako.
Veridas aitzindaria da duen teknologia biometrikoari esker. Teknologia-mota horrek segurtasun-arazoak konpontzeko balio du, bezeroak egiaztatzeko prozesuetan. Veridasekoek Mobile World Congress biltzarrean erakusten saiatu dira teknologia-mota hori, kasu errealak azalduz; esate baterako, ahotsaren biometria telefono mugikorreko aplikazio batean integratzen dute eta segurtasun-enpresa ezagun baten contact center zerbitzura deitzen duen bezeroa nor den egiaztatzen du ‘gako-hitza’ eskatu beharrik gabe.
Ahots bidezko bilaketak eta contact center zerbitzuak: kalitatea eta kantitatea.
Avinash Kaushik-ek duela bost bat urte iragarri zuen ahots bidezko bilaketak izugarri hedatuko zirela 2021. urte inguruan. Badirudi asmatu egin zuela iragarpenarekin: Google-n hirukoiztu egin dira ahots bidezko bilaketak 2019an egin zirenekin alderatuz.
Ahots bidezko bilaketen egungo joera gorakoa da, baita ere. Dena den, Google-z haratago ikusteko gai bagara, konturatuko gara fenomeno honek contact center zerbitzuetan izan dezakeen eta izaten ari den eraginaz.
Ahotsa aztertzeko eta prozesatzeko teknologiei esker, gestio gehiago egin ahal izango dira contact center (BackOffice) plataformetan; izan ere, administrazio-lanak denbora gutxiagoan egiten laguntzen dute, esaterako. Baina, denbora gutxiagoan interakzio gehiago gestionatzeko balio izateaz gain, kontsumitzaileekin edo bezeroekin izaten diren interakzioak askoz hobeto, kalitate handiagoz gestionatzeko ere balio dute halako teknologiek, eta horrek eragin zuzena du bezeroaren esperientzian.
Ahots-teknologiek zure enpresaren bezeroen arreta-zerbitzuan izan ditzaketen erabilerak ezagutu nahi badituzu, jarri harremanetan Logikaline-rekin: 943 110 022.