Ibai guztiak itsasoan elkartzen dira. Gauza bera gertatu beharko luke bideratutako publizitateekin, komeni zaigun bezeroa lortzera egon beharko lukete bideratuta.
Badaude tresnak erabiltzaileek interneten eta sare sozialetan nabigatzean izaten dituzten portaerei buruzko informazioa lortzeko, baina hotzak eta despertsonalizatuak dira. Halako portaerak alderatzeko eta haiei buruzko informazio efizientea izateko, enpresen arma estrategikoetako batek ematen duen informazioa daukagu, Bezeroarentzako Arreta Zerbitzuak ematen duen informazioa alegia.
Zerbitzuak hurbil izaten ditu pertsonak eta ezaupide handiak izaten ditu erabiltzaileen inguruan. Zerbitzuaren eginkizuna izaten da bezeroak esperientzia ezin hobea izateko bete behar diren baldintzak betetzen direla zaintzea; bere lana izaten da bezeroei eta, behar izanez gero, bezero izan litezkeenei entzutea eta ulertzea eta haiengana iristea.
Kontuan izanda marka gehienek zerbitzu hori kanpoan kontratatzen dutela, funtsezkoa da contact center zerbitzuak ematen dituzten enpresen zeregina. Halako enpresak, izan ere, kate-maila ezin hobeak dira marketineko eta publizitateko ekintzak behar bezala lotzeko eta, hala, entzute aktiboa, emaitzen neurketa eta ROI (inbertsioaren itzulketa) on bat lortzeko.
2017az geroztik gora egin dute enpresen inbertsioek internet bidezko publizitatean: haien aurrekontuen ia %30a horretarako erabili da. Enpresek, lehen, espazioak erosten zituzten: estrategi batzuk erabiltzen zituzten bi tresna hauek baliatuz: SEM (Search Engine Marketing) eta Adwords, Display kanpainez gain; orain, aldiz, “ikus-entzuleak” erosten dituzte: prozesuak automatizatzen dituzte, erabiltzaileekin izaten dituzten interakzio bakoitza ahal duten guztia biribiltzen dute, hau da, publizitate programatikoak egiten dituzte. Halako publizitaterako inbertsioa %5 hazi da azkeneko hiru urteotan, email kanpainetarako inbertsioa ere kontuan hartuta.
Dena den, inbertsioak ez du ezer bermatzen, Arreta Zerbitzua eta Marketin departamentuen estrategia koordinatu bat ez badago. Publizitate programatikoa eta bezeroen arreta-zerbitzua uztartzen badira bakarrik lortuko da lortu nahi duguna: fidelizazioa.
Logikalinen badakigu nola aztertu, definitu eta inplementatu publizitate programatikorako estrategiak; ezin hobeto dakigu halako publizitateak Bezeroen Arreta Zerbitzuko Departamentuarekin uztartzen.