Aztertu al duzu inoiz zure bezeroek sare sozialetan zer konpartitzen duten?
Sare sozialei entzutea aurreikusita al dago bezeroarentzako zure arreta-zerbitzuko estrategian?
Halako gaiak oraindik ez badituzu aurreikusita, aholkularitza-zerbitzua behar duzu seguruenera.
Sare sozialetan modu aktiboan entzunez gero, enpresek ezagutu ahal izango dute zer-nolako ospea duten eta beren bezeroak edo erabiltzaileak zer-nolako interesen bidez mugitzen diren. Horregatik da garrantzitsua sektorean dauden joerei erreparatzea:
Erabiltzaileek sortutako edukia edo User Generated Content delakoa bere unerik gorenean egongo da.
Erabiltzaileek espero izaten dute markak sare sozialetan agertzea, beren kontsultei erantzuteko. Izan ere, mugikorren teknologiari esker, aise egiten dituzte kontsultak eta sortzen dituzte edukiak, erraz kontsumitzeko moduko formatuetan gainera, hala nola bideoetan.
Kanalorotasuna izango da bezeroa-marka arteko hartu-eman guztien oinarria.
Bezeroentzat edo erabiltzaileentzat hainbat dira kontsultak egiteko kanalak; batzuetan, webguneko txata erabiliko dute eta beste batzuetan, berriz, telefonoa. Nolanahi ere, ematen den arreta-zerbitzuak berdina izan beharko luke edozein dela ere kontsulta egiteko erabiltzen den kanala. Hori horrela izanda, enpresak gai izan behar du customer service edo saldu osteko zerbitzu homogeneoa emateko, edozein kanal baliatuz eman behar du zerbitzua. Logikalinek kudeaketa osoko proiektuak garatzen ditu, teknologia eta eragiketen fluxuak kontuan hartuz.
Elkarrizketa bidezko marketina da nagusi.
Sare sozialetan 2021ean izango diren joerei buruzko txostenaren arabera, gaur egun salmentak ez dira adierazle garrantzitsuenak markentzat; aitzitik, benetan inporta duena interakzioetatik ateratako informazioa da eta, horrekin batera, bezeroekiko edo erabiltzaileekiko lotura edo engagement delakoa indartzea. Helburua? Zerbitzu eta produktu pertsonalizatuagoak eskaintzea. Txostena HubSpot enpresak egin du.